14 بوت تليجرام يجعل حياتك اليومية أسهل وأكثر متعة

اقدم لك اليوم عزيزي القارئ العسل 💜 14 بوت للـ تيلجرام لا غنى عن اي واحد فيهم , لذلك تابع معايا القراءه ومعرفة التفاصيل

1 – بوت تحميل الفيديوهات :

بوت تليجرام يغنيك عن برامج تحميل الفيديوهات على موبايلك كل الي عليك تبحث على تليجرام عن savemedia تدخل على البوت وتحط لينك اي ملف او فيديو او صوت عاوز تنزله هيحملهولك جاهز

2 – بوت تحويل انواع الملفات :

بوت رائع جدا وظيفته مهمة للغايه وهو ببساطه تحويل انواع الملفات سواء انواع الصور او الملفات زي pdf و غيرها بسهولة ارفع الملفات واختار الصيغة يوصلك الملف متحول لينك البوت من هنا

3 – بوت تفريغ الملفات الصوتية :

بوت ممتاز للطلاب ولاي شخص حابب يفرغ تسجيل صوتي ويحوله لكتابه يقرا منه الكلام الي اتقال في المقطع الصوتي لينك البوت من هنا

4 – بوت بريد مؤقت :

بلاش تسجل دخول بحسابك الخاص على مواقع الذكاء الاصطناعي واستخدم البوت ده .. لما تدخل عليه هيديلك بريد الكتروني مؤقت تستخدمه على الموقع الي انت عايزو بدون ماتسيب بيااناتك على مواقع الذكاء الاصطناعي وانت مش عارف بيتعمل بيها اي لينك البوت من هنا

5 – ملخصات اهتماماتك :

لو متابع صفحات معينة على فيسبوك او اي مكان تاني وحابب يوصلك ملخص كل صفحه انت مهتم بيها فهو ده البوت المناسب ليك .. كل الي عليك تبعتله لينكات الصفح الي انت مهتم بيها والمواقع وهيبعتلك ملخص يومي بكل حاجه اتنشرت عليها عشان تكون متابع اول باول زي مانت تقدر تتابع صفحتي على فيسبوك مثلا لينك البوت من هنا

6 – تذكير :

اقوى بوت على تليجرام للناس النسايه الي بتحتاج تعمل حاجه وتنساها . كل الي عليك تكتب رساله تذكير على البوت ده والوقت الي عاوز تفتكر الحاجه دي فيه وبعدين هو هفيكرك بيها ويوفر عليك تطبيقات التذكير الي عندك لينك البوت من هنا

7 – لمدراء الجروبات :

Auto Delete Join Message لو عندك جروب كبير على تليجرام وزهقت من رساله تم انضمام فلان الفلاني كل شويه .. تعالى اقولك الحل .. ادخل على البوت ده وخليه مدير معاك في الجروب بتاعك ومش هتشوف الرسايل دي تاني لينك البوت من هنا

8 – مدير النشر :

PosterBot اكتر بوت مفيد على تليجرام .. لو عندك قناه او جروب وحابب تنشر فيها الي بتنشره على فيسبوك وتيك توك وصفحاتك التانيه فيها بدون جهد استخدم البوت ده الي بمجرد ماتنشر اي حاجه هناك هتتنشر على قناتك او الجروب الي انت محدده لينك البوت من هنا

ملحوظه : بعد التجربة اتضح ان النشر مجاني من قناة يوتيوب الى قناة او جروب تليجرام باقي الاشتراكات مدفوعة

9 – مساحة مجانية :

File to bot البوت ده بيديلك مساحه غير محدوده تحط عليها رسايلك وملفاتك وكل حاجه انت عاوزها وكمان تقدر تحطها بتصنيفات على مزاجك جوا مساحه سحابيه غير محدوده وتقدر تشارك اي ملف منهم بكيو ار كود مع اي حد او باي طريقه تعجبك لينك البوت من هنا

10 – فحص الروابط :

URL2IMGBot لو عاوز تفتح موقع ومقلق منه بص على البووت ده ..كل الي عليك تبعتله اللينك وهو هيدخل على الموقع وياخد سكرين شوت منه ويبعتهالك عشان تعرف جواه ايه ؟! لينك البوت من هنا

11 – اختصار الروابط :

SHORT URL لو عندك لينك طويل وعاوز تختصره فبدون اي برامج ولا مواقع تقدر تعمل كده من خلال بوت تليجرام ده كل الي عليك تبعتله اللينك بتاعك هيبعتهولك مختصر في ثواني .. لينك البوت من هنا

12 – العاب على تليجرام :

انت عارف انك تقدر تلعب مع صحابك على تليجرام ؟ تعالى اقولك ازاي .. اولا هتختار الشخص الي عاوز تلعب معاه من صحابك وبعدين هيكون عندك 3 العاب تختار مابينهم اللعبه الي تعجبك وتلعب معاهم .. لينك البوت من هنا

13 – تعلم اللغات :

ازاي تتعلم لغه جديده على تليجرام … كل الي عليك تستخدم البوت ده وتكتب اي كلام عاوز تتعلمه واللغه الي حابب تتعلمها وهو هيحولك النص ده لصوت بطريقة نطق مظبوطه تتعلم منها بسهولة البوت ممتاز جدا وبيدعم 84 لغة .. لينك البوت من هنا