تغيير شكل سطح المكتب لشكل رائع واحترافي

اقدم لك اليوم عزيزي القارئ العسل 💜 افضل برامج او طرق لتغيير شكل سطح المكتب الخاص بك تابع معايا لشرح بسيط ومختصر

مقدمة :

عزيزي القارئ الجميل ايه رايك لو نغير شكل سطح المكتب الممل بتاعك لشكل احلى واشيك بكتير !؟ فكره حلوه اكيد .. ولكن عشان ننفذ ده محتاجين نمشي على شويه خطوات وشويه برامج تساعدنا للوصول للشكل المناسب الي يناسب ذوقك ودماغك  , في المقال ده بقا هشرحلك كل ماسبق بالاضافه اني هقدملك الأدوات الأفضل لتخصيص وتغيير شكل الكمبيوتر او سطح المكتب بتاعك كل المطلوب منك تتابع معايا .

  • البرامج المطلوبه :

اكيد طبعا هنحتاج نغير اول واهم حاجه الا وهي خلفية الجهاز وهنا ليك الحرية في الاختيار ..  هل انت عاوز خلفية ثابته ؟ ولا عاوز خلفية متحركة او خلفية حيه زي ما الناس بتسميها ؟ في الحالتين  هساعدك على اختيارك لاني هجبلك احسن برامج او مواقع بتقدملك الأفضل من الناحيتين او الاختيارين لذلك نبدأ بالخلفيات الثابته ..

 الخلفيات الثابته : 

ارشحلك مواقع كتير لتحميل الخفليات الثابته ولكن ارشحلك الاجمل في المجال وهو موقع wallpaperflare الموقع ده فيه خلفيات مليانه حيويه والوان رائعه لابراز مدى جمال الشاشه بتاعتك .. مش بس كده كمان فيها امكانيه اختيار مقاس وجودة الشاشه بتاعتك سواء شاشتك 1080 بكسل او اعلى من ذلك وصولآ لل8k  وطبعا في الموقع ده اقسام كتير لمختلف الاذواق .. وعندك مكان خاص بالبحث للبحث عن خلفياتك المفضلة زي ما انت عاوز

 

  • موقع اخر لتحميل الخفليات الثابته :

موقع UHD Wallpaper الموقع الرائع لتحميل الخلفيات بجودة عالية وهو موقع لا يقل عن الموقع السابق عشان كده قولت ارشحهولك لانك هتحبه جدا

  • مميزات الخلفيات الثابته :

مبدأيا اكبر مميزات الخلفيات الثابته او الصوره الي هتختارها تكون خلفيه  جهازك هي انك مش هتحتاج برنامج عشان تستخدمه عشان تحط خلفيه متحركه من الي بيخلي أداء جهازك يقل نوعا ما  او حتى يأثر على جهازك .. عشان كده انصحك وبشده ان لو امكانيه جهازك مش اقوى حاجه خليك في الخفليات الثابته بدون الحاجه لبرامج خارجيه !

الخلفيات الحيه 

الخلفيات المتحركة واحد من اقوى وافضل برامج الخلفيات المتحركة والمدعوم وموجود رسميا على مايكروسوفت ستور هو برنامج لايفلي وول بيبر livelywallpaper البرنامج الي تقدر تحمله بسهولة وهتلاقي فيه خليفات جاهزه موجوده جواه وتختار منها على ذوقك منها الخلفيات الي بتتاثر بحركه الماوس زي خلفيه الألوان ومنها خلفيات كتير جدا حيه بالوان جميله هتعجبك .. مش  دي ميزته الوحيده لانك تقدر اذا عجبك فيديو على يوتيوب مثلا تاخدا اللينك او الرابط الخاص به نسخ وتلصق اللينك داخل البرنامج في المكان المخصص لتخصيص الفيديو ده خلفية لجهازك سواء بصوت او بدون صوت حسب اختيارك

للتحميل
  • أماكن تحميل خلفيات متحركه من خارج البرنامج 

هنا هسيبلك لينكات بعض المواقع الي تقدر من خلالها تنزل خلفيات متحركة تضيفها على البرنامج بسهولة في حال مكنتش عجباك الخلفيات الاساسيه 

وتقدر تبحث وتكتشف المواقع بنفسك على جوجل بكتابه التالي : lively wallpaper wallpapers

هنا موقع Or
او هذا

البرنامج الثاني  :

Rainmeter برنامج رائع جدا واكيد شفته كتير جدا قبل كده في أسماء الأيام وشكل الساعات على اجهزه ناس كتير وسألت نفسك عملوها ازاي ؟! البرنامج ده بقا مخصوص لاضافه أسماء الأيام والتواريخ و مشغل الموسيقى او أي إضافات تانيه تحبها انت وتحب تخصصها على مزاجك وما يناسب ذوقك ..تقدر تحمله بسهولة وتبدأ في استخدامه وتخصيص مكان اليوم والتاريخ زي ما تحب مع التحكم باللون والشفافيه والثبات وخلافه

للتحميل

البرنامج الثالث   :

Nexus برنامج رائع لتغيير مكان الايقونات وطريقة عرضها على سطح المكتب .. تقدر تختار البرامج المفضله بتاعتك وتخليها داخل الشريط ده وكمان تتحكم في شكلها لما ماوس او مؤشر الفاره يمر عليهم تقدر تعمل نفس تأثير الماك او اجهزه ابل وتقدر تخصص شكل الشريط والفواصل بين التطبيقات او البرامج والتأثير الي يظهر لما تضغط على أي من البرامج عشان تشغله بصراحه مميز جدا وهيغير من شكل جهازك للافضل ويضيف لمسه احترافيه احلى بكتير

للتحميل

في النهايه احب اقولك ان التطبيقات او برامج تغيير شكل الكمبيوتر او سطح المكتب كتير جدا جدا ولكن دول هما الأفضل او الأكثر انتشارا واكثر الناس تستخدهم تقدر تستخدم أيا منهم كان يعجبك وتخصص وتغير في شكل سطح المكتب بتاعك بشكل يخليه يفتح نفسك للشغل وخلافه متنساش تبص على مقالاتنا الثانيه واكيد انتظر مننا كل جديد