رفع جودة الصور بالذكاء الاصطناعي
شرح الموقع :
الذكاء الاصطناعي ما سابش حاجه الا وعملها النهارده هكلمك عن واحد من اقوى وافضل المواقع اللي ممكن تستخدم منها ادوات للذكاء الاصطناعي بشكل مجاني واحترافي كمان ولكن النهارده هنتخصص في اداه واحده منهم وهي اداه رفع جوده الصور وتحسينها تابع معايا شرح في المقاله دي هقول لك كل التفاصيل والخطوات اللي انت محتاجها
الموقع اللي هنتكلم عنه النهارده اسمه replicate وتقدر تدخل عليه من هنا وتتصفح كميه الادوات اللي موجوده اولى تقدر تستخدمها حسب استخدامك ايا كانت زي مثلا ادوات لتحويل الصور بشكل ديجيتال باستخدام الصناعي وادوات رفع وتحسين جوده الصور زي ما احنا هنتكلم عليها النهارده وادوات تانيه زي توليد الصور من خلال النص يعني انت تكتب وصف للصوره اللي انت عاوز تعملها بس يكون وصف دقيق طبعا الموقع هيحول الوصف ده لصوره تتناسب مع اللي انت كتبته
مميزات الموقع :
يفرق الموقع ده عن غيره ان هو مجمع كميه ادوات كثيره في مكان واحد اثناء تصفحي للموقع ده لقيت كميه ادوات كنت بدفع فيها فلوس في مواقع ثانيه ولكن هنا بشكل مجاني لو لاحظت اثناء تصفحك في الموقع هتلاقي انه مقسم لفئات وانه مكون من اكواد برمجيه اشهر المبرمجين على منصه github هم اللي صمموها بنفسهم عشان كده هيكون عندك امكانيه لو انت واحد من المبرمجين دول انك تعمل الفلتر او الاداه بتاعتك بنفسك وتضيفها على هذا الموقع مميزات الموقع انك هتحتفظ بمشاريعك او الصور اللي انت عدلت عليها ده طبعا بعد ما تسجل على الموقع سواء تنشئ حساب او يكون عندك حساب على المنصه اللي انا قلت لك عليها منصه github وانشاء حساب شيء سهل جدا باستخدام البريد الالكتروني ورقم سري فقط لا غير
اداه تحسين جودة الصور :
دلوقتي خلينا نشرح ازاي تقدر ترفعك وتحسن من جوده الصوره بتاعتك اولا هتدخل على الاداه دي من قسم تحسين جوده الصور اللي اسمه Image upscalin
بعد دخولك على القسم ده هتلاحظ ان القسم ده مليان بادوات تحسين ورفع جوده الصور هتلاقي مثلا عندك اداه مخصصه لرفع جوده الصور اللي فيها ارقام في حال كنت عايز توضح مثلا رقم لوحه عربيه او سياره وادوات مختلفه على نفس الطريقه او الفكره ولكن الاداه اللي انا هشرحها النهارده تحديدا هي الاداه دي اللي صورتها القطه دي
شرح طريقة الاستخدام :
بعد دخولك على الاداه دي هتلاحظ انه بيطلب منك تسجيل الدخول او انشاء حساب زي ما انا قلت لك قبل كده واللي هو شيء مهم عشان تقدر تستخدم كل الادوات اللي بيوفرها لك الموقع ده بعد تسجيل الدخول او انشاء حساب تقدر بمنتهى السهوله من المكان ده تضغط عليه وترفع الصوره بتاعتك اللي انت عاوز تحسن الجوده بتاعتها على سبيل المثال هنا بستخدم صوره السويسي عمنا عشان ارفع جوده الصوره بتاعتها او احسن فيها شويه ولاحظ معايا ان انا كمان بضيف على صوره نص هيتلمع ويتحسن ازاي
بعد ما تضغط على المكان اللي انا شاورت لك عليه باللون الاحمر هيبدا يفتح لك الملفات بتاعتك عشان تضيف الصوره اللي انت عاوز ترفع الجوده بتاعتها بمنتهى السهوله
ومن هنا الاختيار مهم جدا رقم 2 اللي موجود عندك هو الرقم اللي انت عاوز ترفع جوده الصوره من واحد الى 10 تقدر تختار اي رقم ما بين واحد ل 10 وهيكون هو الرقم ده بمثابه المعدل يعني زي نسبه تحسينك للصوره بعد كده تقدر تضغط على كلمه run وهيبدا يحمل شويه وبعدين هيدي لك النتيجه النهائيه بالصوره وطبعا مع مقارنه قبل وبعد تقدر تضغط على كلمه تحميل وتحفظ الصوره المحسنه عندك في منتهى السهوله
طبعا دي صوره بسيطه جدا بدرجه تحسين صوره بسيطه جدا والجوده بتاعتها اتحسنت بنسبه كبيره مع ذلك انصحك انك تجرب صورك الخاصه او اي صور انت عاوز تحسن من الجوده بتاعتها لان ده هيكون ليه نتيجه ثانيه احسن واوضح بكثير
وهنا زي ما شرحت لك قبل كده مجموعه ادوات تقدر تحسن منها جوده الصوره منها الاداه اللي احنا استخدمناها من شويه ومنها ادوات تانيه لتوضيح الارقام وازاله التشويش من الصور وطبعا تقدر تتصفح بحريه اكثر وتكتشف كميه ادوات اكثر من كده بكثير , في النهايه نصيحه يا ريت تستخدم بريد الكتروني يكون خاص بالتجارب اللي انت بتعملها على مواقع الذكاء الصناعي يكون منفصل عن البريد الالكتروني الخاص بك اللي انت بتستخدمه في حياتك الشخصيه او على موبايلك وده ملهاش علاقه بالموقع ده تحديدا ولكن بالنسبه لاي موقع بيدعم الذكاء الاصطناعي وانت حابب تجربه او تستفيد بالخدمه بتاعته ايا كان فالحساب اللي انت عملته على موقع github هو حساب مفيد جدا فهي منصه قويه جدا وبتنزل دائما اقوى وافضل الادوات والمقالات والبرامج والتطبيقات كمان المتقدمه والمهمه جدا بالمبرمجين عشان كده ما فيش اي ضرر من انشائك للحساب ده على العكس تماما اعتقد ان انت هتستفيد منه جدا الفتره اللي جايه
